360                                          REGISTRES DU BUREAU                                       [i564]
DXXXVI. — [Payement de droictz aux] Mesureurs de sel, [Payement de somme pour le transport de pieux à moulin
DE NûGENT-l'ArTAULT À CHARENTON.] 3 février 1564. (H i785, fol. 176 r°.)
Du jeudy, troisiesme jour de Febvrier mil v° Ixm.
Entre André, procureur des procureurs de la com­munaulté des jurez Mesureurs de sel de lad. Ville, demandeurs, d'une part, et Guillaume Sanglier, mar­chant bourgeois de Paris, deffendeur, après que led. deffendeur, present en personne, a confessé de­voir ausd, demandeurs le comptaige de trente cinq milliers [de] seiches qui luy ont esté envoiez en seize pipes, et vingt poinsons de seiches, toutesfois ne scet la quantité dud. poisson qui y est, ordonnons que l'une desd, pippes et poinsons seront comptez, et sur le compte que se y trouverra seront lesd, demandeurs paiez des autres de leurs droictz, à quoy condemnons led. deffendeur.
Entre Personnier, procureur de Jehan Dubois [et Lois] Boulenger, compaignons de riviere, presens en personne, demandeurs, d'une part, et Cellot, pro­cureur de Jehan Gigot, demourant place Maubert, partyes oyes, condemnons led. deffendeur à paier ausd, demandeurs la somme de quatre livres tour­nois chacun pour leur voyage d'avoir admené pour luy douze pieuz à moulin, avecq une petite piece de bois, du port de Nogent Artault'1' au dessus du pont de Charenton, et es despens taxez à quatre solz pa­risis, sauf aud. deffendeur son recours contre Jehan Boulard, auquel il dict avoir marchandé, et tous autres fraiz prelenduz avoir esté par luy faictz, oultre le marché faict entre eulx, que led. Boullard estoit tenu faire, lesquelz despens led. deffendeur a pre­sentement paiez.
Entre Jehan Dubois et Lois Boullanger, compai­gnons de riviere forains, en personnes, garniz de mc Loys Personnier, leur procureur, demandeurs, et Jehan Gigot, m" boulenger et bourgeois de Paris, aussy en personne, garny de me Guillaume Cellot, son procureur, defendeur, partyes oies sur la re­queste desd, demandeurs, ad ce que led. deffendeur
feust par nous condemné à leur paier à chacun quatre livres tournois pour leur voyage d'avoir ad­mené douze pieux à moulin, avecq une petite piece de bois carré, deppuisleportde Nogent l'Artault jusques au lieu du molin neuf au dessus du pont de Charenton, suivant le marché faict avecq ung nommé Jehau Boullard, et demandant despens, dommaiges et in­terestz, d'une part, et par led. Gigot, present, garniz que dessus, qui a dict lesd, demandeurs n'estre re-cepvables, et que à tort ilz le poursuivent pour led. paiement, actendu qu'il ne les* a mis en besongné et qu'ilz se doibvent adresser aud. Boulart, leur maistre, si bon leur semble, auquel Boulart led. Gigot, defendeur, a marchandé de luy bien et deue­ment admener, conduire et livrer en flotte lesd, douze pieuz et piece de bois carré, auquel il a paié la Voic­ture, suivant led. marché, et neantmoings, ou lieu de avoir par led. Boulard admené lad. marchandise bien et deuement, par sa faulte et de ses gens qui ont rompu et délié led. train, sont lesd, pieuz allez en fons et aval l'eaue, et eust le tout esté perdu, n'eust esté qu'il c'est transporté sur le lieu où led. incon­venient est advenu, el a iceulx faict pescher et tirer du fond de l'eaue et admené à ses despens jusques aud. lieu du moulin neuf, où il luy a cousté gros deniers qu'il a desbourcez, oultre le marché dud. Boullart, qu'il entend repeter à l'encontre de luy, avecq ses dommaiges et interestz, requerant pour ce regard absolution avec despens; partyes oies, con­demnons led. deffendeur à paier ausd, demandeurs la somme de quatre livres tournois chacun pour leur voiage d'avoir admené pour luy douze pieuz à mou­lin, avecq une petite piece de boys, du port de No­gent l'Artault au dessus du pont de Charenton, et despens taxez à un solz parisis, sauf aud. deffendeur son recours contre Jehan Boullart, auquel il dict avoir marchandé, et de tous autres fraiz pretenduz avoir esté par luy faictz, oultre le marché faict entre eulx, que led. Boullard estoit tenu faire, lesquelz despens led. deffendeur a presentement paiez.
C Nogent-l'Artaud, Aisne," arrondissement de Château-Thierry, canton de Charly.